Öðlast nýtt líf

Bíl­flök öðlast sum hver nýtt  líf, ef svo mætti segja, eft­ir að akstri þeirra um veg­ina lýk­ur.

Þetta á til að mynda við um flakið af Renault 404 sem sjá má látið síga í sæ á meðfylgj­andi ljós­mynd. Það verður hluti af neðan­sjáv­ar­rifi við eyna Zira und­an borg­inni Sidon í Líb­anon.

Auk þessa bíls slökuðu „vin­ir Zira og Sidon­strand­ar“ nokkr­um flug­vél­um, þyrl­um, her­gögn­um og bíl­um niður í sjó­inn í síðustu viku. Þar er verið að búa til neðan­sjáv­ar­gerði sem sam­tök­in segja munu með tím­an­um end­ur­nýja jafn­vægi í líf­ríki í haf­inu, auðga kór­alrif og vekja at­hygli á um­hverf­is­vernd.