Hjólað sem nemur tunglför

Maður að nafni Peter Sims keypti sér mótorhjól af gerðinni BMW R90 Airhead árið 1987, sem er svo sem ekki í frásögur færandi.

Ja, nema vegna þess að hann hefur síðan þá lagt að baki 240.000 mílur eða sem svarar 386 þúsund kílómetrum. Það er nokkurn veginn vegalengdin til tunglsins en í dag eru 50 ár liðin frá því Apolló 11 var skotið á loft með fyrstu tunglfarana.

En hvernig fara menn að því að aka 386 kílómetra á mótorhjóli? Sims hinn breski segir að hjólið batni með aldrinum. Og því meira sem það er brúkað því betra verði það. Reyndist hjólið honum vel í tíðum ferðum hans til Hollands á vit konunnar sem hann kvæntist um síðir.

Herra Sims segist engin áform hafa um að skipta gamla hjólinu út fyrir ný. Það hafi dugað honum svo vel í rúm 30 ár. agas@mbl.is

• Blogga um frétt