Hreinn Peugeot rafbíll frumsýndur

Glænýr Peugeot e-208, 100% hreinn rafbíll, verður frumsýndur í Brimborg Reykjavík næstkomandi laugardag, 15. febrúar frá 12-16. Sýningar- og reynsluakstursbílar verða á staðnum og eins verður í boði ráðgjöf varðandi hleðslu rafbíla og uppsetningu hleðslustöðva.

Peugeot e-208 100% rafbíll kostar frá 3.790.000 kr. Hann er með 340 km drægi og kolefnisfrír, sjálfskiptur með 136 hestafla, hljóðlátum rafmótor og 260 Newtonmetra togkrafti.

Með þessu afli kemst Peugeot e-208 úr kyrrstöðu í hundraðið á 8,1 sekúndu. Er 50 kwh rafhlaðan innbyggð í nýjan undirvagn Peugeot.

Fullkominn öryggisbúnaður

Peugeot e-208 100% rafbíllinn er með nýjustu aksturs- og öryggistækni sem aðstoðar ökumann við aksturinn og tryggir örugga ökuferð. Veglínuskynjun, blindpunktsaðvörun, vegskiltalesari, aðlögunarhæfur hraðastillir, sjálfvirk neyðarhemlun og ný gerð bakkmyndavélar eru dæmi um öryggisbúnað í rafbílnum Peugeot e-208.

Sala rafbíla hefur farið vaxandi víða um heim og því verður takmarkað magn í boði á Íslandi en Brimborg hefur tryggt ákveðinn fjölda bíla sem eru nú til sölu í nýjum vefsýningarsal á brimborg.is. en forsalan hefur farið feikivel af stað. Nú eru fyrstu bílar komnir á lager og eru þeir fáanlegir í þremur útfærslum.

Peugeot e-208 rafbíll er með fimm ára ábyrgð og 8 ára ábyrgð á rafhlöðu, að því er fram kemur í tilkynningu.