Frumsýna nýjan Volvo XC40 Recharge

Brimborg frumsýnir nýjan Volvo XC40 Recharge rafhlaðinn tengiltvinnbíl á morgun, laugardaginn 22. febrúar, að Bíldshöfða 6 í Reykjavík klukkan  12-16.

Volvo XC40 hefur hlotið lof um allan heim fyrir einstaka hönnun að utan sem innan síðan hann kom á markað í fjórhjóladrifs dísilútgáfu. Var hann meðal annars valinn bíll ársins í Evrópu 2019.

Nú kynnir Brimborg hann í nýrri framdrifinni tengiltvinnútgáfu. Í aflrásinni er úr 262 hestöflum að að spila og dugar rafhleðslan til 51-56 kílómetra akstur. Meðaleyðsla bensíns er 2,0 -2,4 lítrar á hundraðið.

„Volvo XC40 Recharge er vel búinn, öruggur bíll fyrir þá sem vilja stíga inn í rafmagnaða og umhverfisvæna framtíð án þess að hafa áhyggur af drægni og gæðum. Glæsilegur rafmagnaður bíll með miklu rými. Hann leysir helsta vandamál rafmagnsbílana sem enn eru takmörkuð í drægi. Öflug og skilvirk akstursupplifun þar sem hægt er að komast um á rafmagninu einu í venjulegri daglegri notkun en hafa síðan bensínið til að komast í lengri ferðir án þess að þurfa að hlaða. Það þarf því ekki að hafa áhyggjur af rafmagnsleysi á lengri ferðum eða hvort hleðslustöðvar séu á leiðinni jafnvel þó ferðavaginn sé tekinn með en dráttargeta Volvo XC40 T5 PHEV er 1.800 kg,“ segit í tilkynningu.

Yfir 50 Volvo XC40 Recharge hafa verið seldir í forsölu Brimborgar áður en að bíllinn sjálfur er frumsýndur hér á landi.  Verð bílsins er frá 5.090.000 krónum.