Bílasala í Evrópu í febrúarmánuði var sú minnsta frá 2015 en þegar upp var staðið reyndist Renault Clio hafa selst best.
Alls voru 24.914 Clio nýskráðir í febrúar en alls voru 1.063.264 fólksbílar seldir í Evrópusambandsríkjunum 27 í mánuðinum, samkvæmt upplýsingum greiningarfyrirtækisins JATO Dynamics.
Golf hefur undanfarin misseri setið í efsta sæti lista yfir söluhæstu bíla Evrópu. Þar trónir hins vegar Clio nú og Golfinn er í öðru sæti með 24.735 eintök seld.
Kórónuveirufaraldurinn undanfarið hefur bitnað hart á bílaframleiðendum. Er um 21% samdrátt að ræða í tilfelli Golf en fjögur prósent hjá Clio.