Rafbílar eiga sér tvímælalaust griðland í Evrópu og hefur þeim fjölgað stórum síðustu misserin. Í apríl einum og sér varð 17% aukning á nýskráningum rafbíla í álfunni.
Bílamarkaðurinn í Evrópu hrundi annars í apríl og hefur mánaðarsala nýrra bíla ekki verið minni frá upphafi áttunda áratugarins. Voru nýskráningar 78% færri en í sama mánuði fyrir ári. Seldust 292.600 bílar í apríl miðað við 1,34 milljónir á sama tímabili í fyrra.
Bílar sem komu einna best út í mánuðinum voru BMW X3, Tesla Model 3 og Renault Zoe. agas@mbl.is