Ódýrasti bíll heimsins

Margir lesendur þessarar fréttar hafa eflaust gert góð kaup í netversluninni Amazon og/eða kínverskri hliðstæðu hennar; Alibaba.

Nú er tækifæri til að kaupa rafbíll af minnin gerðinni sem ber fjóra fullorðinna á Alibaba fyrir aðeins 930 dollara, um jafnvirði um 130 þúsund íslenskra króna.

Hann er framleiddur í Changli bílsmiðjunni í Changzhou sem reist var og hóf starfsemi árið 1996. Óljóst er hvað umræddur bíll heitir en verið getur að nafnið sé einfaldlega Changli.

Ytri mál bílsins eru þau að hann er 2,5 metrar á lengd, 1,50 á hæð og 1,80 metrar á breidd. Tómaþyngdin er uppgefin 323 kíló. Hann er fremur kynntur sem bíll gamla fólksins.

Drægi bílsins er uppgefin 40 til 100 kílómetrar, allt eftir því hvaða orkupakki valinn er. Tekur sjö til 10 klukkustundir að hlaða geyminn til fulls.

Sem tegundargerð er farartækið sagt vera rafskutla og því er hámarkshraði hans 30 km/klst.