Leikkonan Milla Jovovich greindi frá því á Instagram á dögunum að hún ætti von á dóttur. Jovovich verður 44 ára í lok árs og segir aldurinn hafa átt þátt í því að síðustu vikur hafi einkennst af gleði og hræðslu.
Fyrir tveimur árum var leikkonan einnig ólétt og komin fjóra og hálfan mánuð á leið þegar hún þurfti að fæða barnið vegna læknisfræðilegra ástæðna. Jovovich greindi frá þessari erfiðu reynslu í vor þegar lög um þungunarrof voru hert í nokkrum ríkjum Bandaríkjanna. Er missirinn einnig ástæða þess að fyrstu vikurnar voru erfiðar fyrir Jovovich.
Jovovich er gift leikstjóranum Paul W. S. Anderson og á með honum börnin Ever 11 ára og Dashiel fjögurra ára.