Jón Ólafsson tónlistarmaður á soninn Jökul sem mun fermast hjá Siðmennt á þessu ári. Jón segir syninum líða vel að koma fram og hugsanlega sé það eitthvað sem liggur í genum hans.

Jón segir það hafa verið auðvelt og skemmtilegt að fylgja Jökli eftir í fermingarfræðslunni og fræðslan sé alltaf skemmtileg lífsreynsla fyrir börnin okkar.

„Ætli aðalstuðningurinn við Jökul hafi ekki verið að skutla honum í fræðslutímana hjá Siðmennt. Mér finnst fermingarfræðslan hjá þeim hafa vakið hann til umhugsunar um lífið og tilveruna, sem er alltaf mjög gott fyrir krakka á þessum aldri. Í raun hefur Jökull alltaf verið að velta upp hlutum um lífið og tilveruna; svo fræðslan ýtir og styrkir hann í því.“

Jón segir Jökul mjög athafnasamann ungan mann sem hafi alltaf verið að fást við spennandi hluti utan skólans.

Þegar báðir foreldrar eru sviðslistamenn

Jökull vakti athygli í fyrra á athöfn hjá Siðmennt þar sem hann fór á svið og söng lag um ferminguna.

„Honum líður mjög vel að koma fram fyrir fólk. Foreldrar hans eru sviðslistamenn; hugsanlega er þetta eitthvað genatengt.“

Jón segir að fermingin sjálf verði einföld og ekki mikið tilstand í kringum það.

„Þetta er í gerjun hjá okkur. Það er auðvitað búið að margfresta fermingunni vegna kórónuveirunnar og mun hann af þeim sökum fermast mörgum mánuðum eftir fermingarfræðsluna.“

mbl.is/Kristinn Magnússon

Tengdar fréttir

Ferming

Lárus og Sævar stoltir af syni sínum á fermingardaginn

• Hvers vegna er þetta fermingargjöf ársins að mati ELKO?
• Þrjár kynslóðir Íslendinga sem búa í Lúxemborg
• „Við reyndum bara að hafa svolítið gaman af þessu“
• Fermdist ein í sóknarkirkju fjölskyldunnar í Hróarstungu

» Fleiri tengdar fréttir

Fjölskyldulíf

Margrét og Ísak Ernir gáfu dóttur sinni nafn

• „Hjörtun okkar stækkuðu um fimm stærðir“
• „Hef nokkuð alvarlegt blæti fyrir nytjamörkuðum“
• „Nú þarf bara að taka einn dag í einu“
• Hvað er til ráða ef skilnaðarbarnið vill ekki vera viku og viku?

» Fleiri tengdar fréttir