Deidre Downs var krýnd ungfrú Ameríka árið 2005. Hún þótti ólíklegur þátttakandi í fegurðarsamkeppni á þeim tíma en ákvað að freista gæfunnar þar sem hún hafði verið á íþróttastyrk en vildi einbeita sér meira að náminu. Hún opinberaði samkynhneigð sína árið 2018 og giftist svo unnustu sinni Abbott Jones sama ár. Jones er lögfræðingur að mennt og er á því að Downs sé eina konan í Alabama sem hefði getað gert hana ófríska. Enda starfar Downs sem sérfræðingur í frjósemi. 

Þær vilja eignast fleiri börn og ætla að skipta á milli sín að ganga með þau. Barnið sem þær eiga von á mun fæðast í desember og er stúlka. 

Ungrfrú Alabama, Deidre Downs, kom sá og sigraði í keppninni um Ungfrú Ameríku árið 2005. mbl.is/AFP

„Það hefði enginn trúað því sem þekkti mig sem barn að ég myndi enda í fegurðarsamkeppni enda hef ég aldrei verið fyrir svona stelpudót,“ segir Downs. 

Lífið getur komið á óvart eins og lífshlaup hennar sýnir. Hún giftist æskuástinni, karlmanni, og eignaðist með honum son. Þegar hjónabandið fór að ganga illa byrjaði hún í ráðgjöf sem fékk hana til að horfast í augu við hver hún væri og opinbera kynhneigð sína. Þau skildu en héldu góðum vinskap eftir það. 

Downs kynntist eiginkonu sinni á Match.com og náðu þær strax saman þótt það hafi tekið tíma fyrir fegurðardrottninguna að stíga fram og segja sannleikann. 

New York Post

Tengdar fréttir

Fjölskyldulíf

Margrét og Ísak Ernir gáfu dóttur sinni nafn

• „Hjörtun okkar stækkuðu um fimm stærðir“
• „Hef nokkuð alvarlegt blæti fyrir nytjamörkuðum“
• „Nú þarf bara að taka einn dag í einu“
• Hvað er til ráða ef skilnaðarbarnið vill ekki vera viku og viku?

» Fleiri tengdar fréttir

• Blogga um frétt