Sumir segja að þeir sem hafa upplifað erfiðleika í lífinu geti verið til staðar fyrir aðra í flóknum aðstæðum. Það eru svo sannarlega orð að sönnu hvað viðkemur hestinum Twiglet sem fannst brotinn og særður aðeins eins vetrar gamall en aðstoðar nú börn í vanda í Bristol. 

Hesturinn Twiglet starfar hjá Horseworld með börnum sem eru að ná sér eftir erfiðleika í skóla eða í daglega lífinu. Twiglet fannst árið 2015 við Avonmouth með brotið bak og háls, fælinn og vannærður. Margir héldu að hann myndi ekki lifa hremmingarnar af en hann hefur vaxið og dafnað með árunum. 

„Við fengum símtal um miðja nótt vegna hestsins og fréttum af fleiri hestum í vanda á þessu svæði. Fólk hafði þá skilið hestana sína eftir á þessum stað eða þeir flúið þangað. Við teljum að Twiglet hafi verið hent þangað þegar eigandinn gerði sér grein fyrir því að hann gæti ekki notað hestinn í vinnu. 

Fáir hefðu trúað því að hann gæti orðið sá hestur sem hann er í dag. Hann er ljúfur og góður og vinnur nú með börnum sem eiga í vanda vegna eineltis eða samskiptavanda. 

Hann sýnir ekki einkenni þess að hafa verið misþyrmt í æsku. Skapgerð hans er svo einstök að við vildum láta hann vinna með ung börn sem eiga við hegðunarvanda að stríða eða hafa lent í erfiðleikum. Það er einstakt að fylgjast með samskiptum hans við börnin og þegar þau hafa verið í kringum hann í svolítinn tíma er eins og það efli sjálfstraust þeirra og geri þau sterkari. Fyrst hann gat komist í gegnum erfiðleika sína, þá geta þau það,“ segir Amy Williamson sem starfar hjá Horseworld.

BBC News

Tengdar fréttir

Uppeldi og heilsa

Vítahringur sem auðvelt er að stöðva

• Allt að 50% barna með ADHD glíma við svefnvanda
• Læknanemar bjóða börnum í heimsókn á Bangsaspítalann
• „Við 18 mánaða aldur er yfirleitt best að hætta öllum næturgjöfum“
• Aðeins 12% kvenna á barneignaraldri taka inn fólat

» Fleiri tengdar fréttir

• Blogga um frétt