Aðdáendur Britains Got Talent-dómarans Amöndu Holden ráku upp stór augu þegar hún birti myndir af sér með tveimur dætrum sínum á dögunum. Eldri dóttir Amöndu, Alexa Louise, sem er 15 ára gömul, þykir sláandi lík móður sinni miðað við viðbrögð aðdáenda við myndafærslunni. 

„Sé ég tvöfalt?“ spurði einn aðdáandinn og átti þar með við líkindi mæðgnanna. „Guð minn góður, ég sé þig svo mikið í dætrum þínum,“ sagði annar og augljóst að mörgum þykir Alexa Louise alger eftirmynd móður sinnar. 

Fjölskyldan eyddi jólunum saman á sólríkri eyju í Karíbahafinu og af myndum úr fríinu að dæma hefur þetta verið sannkallað draumafrí.

Amanda Holden giftist eiginmanni sínum, Chris Hughes, árið 2008 og saman eiga þau dæturnar tvær Alexu Louise og Hollie Rose, 9 ára.

Tengdar fréttir

Fjölskyldulíf

Sunneva og Baltasar þurftu samþykki fyrir nafni dótturinnar

• Prinsessan fékk nafnið Bella
• Dóttir Ingólfs og Alexöndru komin með nafn
• Jón fangaði foreldrahlutverkið í sinni tærustu mynd
• Áslaug Arna dansaði með Ægi og móður hans

» Fleiri tengdar fréttir

• Blogga um frétt