„Þetta var mjög vel heppnað fyrsta skipti“

Hátt í 250 börn mættu með veika eða slasaða bangsa á Heilsugæslu Akureyrar í dag, en böngsunum bauðst læknisþjónusta frá fyrsta árs læknanemum við Háskóla Íslands.

Lýðheilsu­fé­lag lækna­nema stendur að baki bangsaspítalans sem er settur upp ár hvert í höfuðborginni. Í dag var spítalinn í fyrsta skipti tekinn norður.

Frétt af mbl.is

Bangsaspítalinn á Akureyri í fyrsta sinn

Frétt af mbl.is

Rúmlega 700 veikir bangsar fengu þjónustu

Hátt í 250 börn og bangsar þeirra sóttu spítalann. Ljósmynd/Aðsend

Að sögn Melkorku Sverrisdóttur, varaformanns Lýðheilsufélags læknanema, gekk dagurinn glimrandi vel.

„Það gekk alveg fáránlega vel. Við vorum með rosa góðan hóp af nemum og mjög margir sem að mættu. Þetta var mjög vel heppnað fyrsta skipti,“ segir Melkorka í samtali við mbl.is. 

Mark­mið bangsa­spítal­ans er ann­ars veg­ar að fyr­ir­byggja hræðslu barna við lækna og hins veg­ar að gefa lækna­nem­um á yngri árum tæki­færi til að æfa sam­skipti við börn og aðstand­end­ur. Ljósmynd/Aðsend

Ekki hægt án styrkja

Níu fyrsta árs læknanemar flugu norður klukkan átta í morgun til að þjóna böngsunum, en spítalinn var opinn frá klukkan tíu til fjögur. Nemarnir flugu svo aftur suður klukkan sex.

Læknanemarnir flugu norður klukkan átta í morgun. Ljósmynd/Aðsend

Stórslasaðir bangsar mættu ásamt eigendum sínum á Heilsugæslu Akureyrar í dag. Ljósmynd/Aðsend

• Blogga um frétt