Örfáum dögum áður en nýjasta barnabarn bresku konungsfjölskyldunnar mætti í heiminn opnaði Karl Bretaprins lúxus útgáfu af bed-and-breakfast í Skotlandi.

Eins og sjá má eru herbergin í þeim stíl sem sannir prinsar og prinsessur myndu búa í. mbl.is/Granary Lodge

Granary Lodge heitir staðurinn með útsýni yfir til Orkneyjar og geymir 10 herbergi, þar af tvær svítur. Morgunmatur er borinn daglega á borð og gestir hafa aðgang að slökunarrými til að vinda ofan af sér við opinn arineld og útsýni yfir hafið. Nóttin kostar frá 25 þúsund krónum.

Baðherbergi á gistiheimilinu. mbl.is/Granary Lodge

The Granary Lodge er Karli afar kær þar sem staðurinn var eitt sinn heimili ömmu hans, eða móður drottningarinnar frá árunum 1952 til 1996. Hér má glögglega sjá stíl drottningarinnar skína í gegn í hverju rými og myndir af konungsfjölskyldunni skreyta gangana.

Ekki amalegt umhverfið í kringum Granary Lodge. mbl.is/Granary Lodge

Fyrir utan að vera nú orðinn bed-and-breakfast eigandi, þá mun Karl Bretaprins sjá um hið árlega garðpartí við Buckingham höll - en Elísabet drottning hefur hægt og bítandi verið að fela syni sínum fleiri verkefni síðustu árin. Garðpartí hafa verið haldin í höllinni frá árinu 1860 og þá þrisvar ár hvert. Samkvæmt upplýsingum frá höllinni þá eru um 27 þúsund tebollar bornir fram í slíkum gleðskap ásamt 20 þúsund samlokum og 20 þúsund kökusneiðum. Ekki amaleg veisla það! 

Tengdar fréttir

Uppskriftir

Undursamlega gott tandoori lamb með saffran hrísgrjónum

• Ljúffengur ofnbakaður þorskur í sítrónusósu
• Wagyu lúxusborgarinn hans Bjarka er rosalegur
• Kjúklingur með parmesan borinn fram með jógúrtsósu
• Hreppstjórakaffi með kandís sem minnir á æskustundirnar

» Fleiri tengdar fréttir

Gisting

Þetta er hluturinn sem ber að varast á hótelherbergjum

• Hótelinu var líkt við líkhús en nýtur nú vinsælda
• Leigðu hinar einu sönnu Love Island-villur í næsta fríi
• Reykjavík Edition-hótelið þykir þriðja besta að mati lesenda
• Þetta eru bestu hótelin í Edinborg

» Fleiri tengdar fréttir

• Blogga um frétt