Ferðalög | Ferðaráð | mbl | 8.10.2019 | 6:00

Ekki falla í þessa ferðamannagildru

Það er hagstæðast að borga með gjaldmiðli landsins. mbl.is/Hari

Hafir þú ferðast til útlanda á síðustu misserum og notað kortið til að borga hefur þú kannski tekið eftir því að posinn býður oft upp á að reikna upphæðina yfir í íslenskar krónur.

Hótel, veitingastaðir og verslanir erlendis bjóða oft ferðamönnum upp á að greiða í þeirra eigin gjaldmiðli frekar en gjaldmiðli landsins sé greitt með greiðslukorti. Það getur verið óþarflega dýr gryfja til að falla í því það kostar 3-8% aukalega.

Frétt af mbl.is

Gjaldmiðlabúllur sem ætti að varast

Yfirleitt þegar maður kaupir eitthvað með greiðslukorti erlendis, er upphæðin send til Visa, Mastercard eða American Express í gjaldmiðli landsins. Kortafyrirtækið umreiknar það svo yfir í krónur á heildsöluverði og sendir það til bankans þíns, við það gæti bæst 0,2% álagning en það fer eftir hvers konar kort þú ert með.

Í tilraun til að græða meira á ferðamönnum hafa mörg fyrirtæki hannað posana þannig að viðskiptavinurinn hefur valkost um að borga í gjaldmiðli landsins eða í sínum eigin gjaldmiðli. Þetta virðist kannski auðvelda þér kaupin, reikna fyrir þig hvað þú ert að borga mikið, en í rauninni er þetta að bæta 3-8% á verðið.

Til þess að forðast þetta er langbest að biðja alltaf um að borga með gjaldmiðli landsins og nota heldur smáforrit eða Google til að reikna gengið sjálfur.