Lína Birgitta ætlar sér að flytja til London

Áhrifavaldurinn Lína Birgitta fór í skyndiferð til London um helgina. Út frá Instagram-síðu Línu Birgittu má sjá að hún er ansi oft í höfuðborg Englands. Í rauninni er hún svo ástfangin af borginni að hún segist ætla flytja þangað. 

„Einn daginn flyt ég hingað,“ skrifaði Lína Birgitta við mynd af sér á Instagram á sunnudaginn og merkti með myllumerkinu London. 

Lína Birgitta lifir lúxuslífi í London og er alltaf sótt af bílstjóra á flugvöllinn en bílstjórinn virðist sérhæfa sig í að sækja íslenska áhrifavalda á flugvöllinn. Lína Birgitta gistir nú á Royal Lancaster London en hótelið sem er við Hyde Park er með fimm stjörnur og níu í einkunn á Booking.

Ekki kemur fram hvort Lína Birgitta sé í samstarfi við hótelið. 

Frétt af mbl.is

Lína Birgitta á 5 stjörnu hóteli á Kanarí

• Blogga um frétt