Ef þú vilt forðast það að borga fúlgur fjár í ferðalög þá ættirðu að forðast að bóka ferðalagið þitt í desember. Heldur ættirðu að bóka ferð í janúar eða febrúar, en það eru ódýrustu mánuðirnir til að ferðast. 

Samkvæmt nýrri rannsókn TravelSupermarket geta ferðir í desember kostað allt að 200 prósent meira en í janúar eða febrúar. 

Borgarferðir í desember eru dýrastar miðað við aðrar ferðir á sama tíma. Auknar vinsældir jólamarkaða og svokallaðra jólaferða gæti haft þar áhrif. 

Meðalverðið fyrir hótelgistingu eina nótt í stuttri borgarferð í desember er um 20 þúsund krónur samanborið við 9.500 krónur í janúar. 

Ástæðan fyrir lágu verði í janúar og febrúar er líklegast sú að fólk hefur tekið sér mikið frí frá vinnu í kringum stórhátíðirnar og vill þá síður taka sér frí svo stuttu eftir stórhátíðirnar.

Það þarf þó ekki að vera dýrt að ferðast í desember ef þú velur daga sem fáir ferðast á, eins og aðfangadag, jóladag og gamlársdag.

Frétt af mbl.is

Hvar er sólin í janúar?

Frétt af mbl.is

Flýðu jólin til útlanda

Tengdar fréttir

Ferðaráð

„Maður fékk bara hroll við að horfa yfir“

• Kyana segir 500.000 manns hvað eigi að gera á Íslandi
• Nokkur góð ráð til að létta ferðatöskuna
• Hvernig er hægt að lágmarka flugþreytu?
• Hefur heimsótt öll lönd í heimi og segir Ísland í miklu uppáhaldi

» Fleiri tengdar fréttir

• Blogga um frétt