Hin ítalska Serena Parini og kærasti hennar Carlo Maiorano eru nú á ferðalagi um Norður- og Suður-Ameríku á húsbílnum sínum. Vegna kórónuveiruheimsfaraldursins eru þau búin að vera föst í Yucatán í Mexíkó.

Ferðalagið hófst fyrir 7 mánuðum á Ítalíu. Þau sendu bílinn yfir til Kanada með flutningaskipi og flugu svo sjálf yfir hafið. Þau keyrðu svo þvert yfir Kanada til Alaska og hófu svo að keyra suður á bóginn. Endanlegur áfangastaður þeirra verður svo syðsti oddi Argentínu. 

Serena og Carlo höfðu verið í sambandi í 5 ár áður en þau lögðu af stað í ferðalagið. Þau langaði til að ferðast meira áður en þau keyptu sér hús og stofnuðu fjölskyldu og ákváðu því að gera það almennilega. Þau keyptu Fiat Ducato-sendibíl og breyttu honum í húsbíl. 

Í Kanada. skjáskot/Instagram

Hugmyndin að ferðalaginu kviknaði þegar þau voru á ferðalagi saman í Nepal. Þau höfðu sparað nokkuð áður en þau lögðu af stað og gerir áætlun þeirra ráð fyrir að þau eyði um 15 evrum á mann á dag. Þau gista aldrei á tjaldsvæðum og elda allan sinn mat í húsbílnum og þannig tekst þeim að halda sig við áætlunina. 

Tengdar fréttir

Ferðaráð

Svona heldur Rúrik sér í formi á ferðalögum

• Ásta fann núvitundina úti í náttúrunni
• „Ég hef aldrei upplifað jafn mikið á einni viku“
• Staðurinn sem mælt er með að heimsækja frekar en Fjaðrárgljúfur
• 12 hlutir sem þú ættir aldrei að gera í flugi

» Fleiri tengdar fréttir

Húsbílar

Breyttu sendiferðabíl í fallegt heimili

• Ferðast um Suður-Spán á gömlum sjúkrabíl
• Rúnar lifir einföldu lífi í húsbíl
• Breyttu skólabíl í draumaheimilið
• Búa í 20 ára gömlum húsbíl

» Fleiri tengdar fréttir

• Blogga um frétt