Íbúar í austurríska bænum Hallstatt eru á báðum áttum um hvort þeir vilji fá straum ferðamanna aftur í bæinn. Bærinn hefur notið mikilla vinsælda síðastliðin ár en hann var innblástur höfunda teiknimyndarinnar Frozen.
Aðeins 780 manns búa í fjallaþorpinu og hafa þau notið síðustu mánaða án ferðamannanna. En þó það sé notalegra í bænum án ferðamannanna hefur stór hluti bæjarbúa lifibrauð sitt af ferðamennskunni.