Hefur aldrei upplifað annan eins tíma

Ljósmyndarinn Joshua Eli Cogan tekur fallegar ljósmyndir víða um heiminn fyrir National Geographic. Hann eins og fleiri hefur þurft að hagræða vinnu sinni vegna kórónuveirunnar þar sem hann er vanalega á ferð og flugi um heiminn að taka ljósmyndir. 

Hann segir ástandið í heiminum koma okkur öllum í þá hugsun að við þurfum að hörfa frá samfélaginu, með fjölskylduna til að verja okkur. Að nú sé mikilvægara en oft áður að muna að við erum ekki ein og getum hugsað tvenns konar hugsanir: Jákvæðar og neikvæðar. Grunnhugmyndirnar séu ólíkar og þær neikvæðu ali á kvíða. 

„Ég mun passa upp á að þér mistakist ekki, sagði besti vinur minn við mig fyrir nokkrum vikum. Þetta sagði hann þegar ég sagði honum frá undirliggjandi hugmynd sem ég er með um að ég, við, veröldin, munum ekki verða í lagi út af því sem er að gerast í heiminum í dag. 

Ég sé svo auðveldlega fyrir mér þessa tvo veruleika: Annars vegar að við þjöppum okkur saman og verðum sterkari vegna þess sem er að gerast í heiminum. Eða að við förum öll í okkar áttir og óveðursský verði yfir okkur öllum.“

Hann segir þessa tilfinningu að loka sig af með fjölskyldunni eðlilega en undir henni sé ákveðinn kvíði. 

Cogan hvetur alla til að hugsa þessa jákvæðu hugsun áfram með sér. Hugsunina um öryggið og að þetta tímabil taki enda eins og allt annað. Þá getum við ferðast og sameinast sem samfélag aftur. 

• Blogga um frétt