Flugvélamatur aldrei vinsælli

Tælenska flugfélagið Thai Airways hefur farið óvenjulega leið til þess að minna á sig og afla auka tekna nú þegar flugsamgöngur liggja niðri vegna kórónuveirunnar. Flugfélagið opnaði á dögunum „pop-up“ veitingastað í höfuðstöðvum sínum í Bangkok þar sem innviðirnir og þjónustan minnir á það að vera um borð í flugvél. Gestir sitja í flugvélasætum og áhöfnin gengur um í fullum skrúða og þjónustar gesti. Viðtökurnar hafa farið fram úr björtustu vonum og bornir eru fram um tvö þúsund máltíðir á dag og draga má þá ályktun að margir séu farnir að sakna þess að ferðast og borða flugvélamat.