Rúrik og Soliani njóta á Íslandi

Knattspyrnukappinn Rúrik Gíslason og kærasta hans, fyrirsætan Nathalia Soli­ani, eru meðal fárra ferðamanna sem njóta þess nú að ferðast um Ísland. Rúrik og Soliani fóru frá Reykjavík um helgina og hafa ekki látið hráslagalegt veðrið á sig fá. 

Áður en ferðalagið hófst fór Soliani í sóttkví eins og aðrir ferðamenn sem koma til landsins. Hún var því búin að vera á Íslandi í nokkra daga áður en ferðalagið um landið hófst. 

Skötuhjúin keyrðu um Suðurland og komu við á helstu ferðamannastöðum á Suðausturlandi eins og Jökulsárlóni og Reynisfjöru. Í gær böðuðu þau sig í Vök á Egilsstöðum og fóru út að borða á Seyðisfirði.

Parið er duglegt að birta myndir af ævintýrinu á Instagram eins og sjá má á myndum Soliani hér fyrir neðan. 

• Blogga um frétt