Austurland ákjósanlegt fyrir vetrarævintýrin
Setja bókamerki
Mikill fjöldi fólks heldur nú norður yfir heiðar til Akureyrar, Siglufjarðar og Dalvíkur til að skella sér á skíði. Það er þó ekki síðra að halda austur á land en þar er að finna ein bestu skíðasvæði landsins, Oddsskarð og Stafdal auk fjölda svæða þar sem gönguskíðafólk getur notið sín í botn.
Þeir sem stefna á skíðafrí nú á vormánuðum ættu því að huga að Austurlandi.
Dagana 4.-7. mars verður svo Fjallaskíða- og brettahátíð haldin í Fjarðabyggð og þá verður boðið upp á byrjendanámskeið sem og fjallaskíðaferðir.
Oddsskarð
Oddsskarð hentar bæði byrjendum, fjölskyldum, ævintýrafólki og þeim sem vilja halda sig á gönguskíðunum. Þrjár lyftur eru á svæðinu og einnig gönguskíðabraut. Svæðið er við þjóðveg númer 92 og er ekið upp frá Eskifirði.
Stafdalur
Stafdalur er við þjóðveg númer 93 á milli Seyðisfjarðar og Egilsstaða. Þjár lyftur eru á svæðinu og fjölbreyttir möguleikar í leiðavali. Þar er líka gönguskíðabraut.
Ævintýri undir Dyrfjöllum
Ferðavefurinn fjallaði nýlega um skíðagönguferð sem ber titilinn Ævintýri undir Dyrfjöllum en í þeirri ferð gefst fólki kostur á að upplifa svæði á Íslandi sem fáir hafa komið á.
Vök baths
Eftir skemmtilegan dag í fjöllunum er svo tilvalið að skella sér í Vök baths og skola af sér svitann.
Spá illviðri víða um land á morgun
Minni tafir en í sambærilegum borgum
Nóvemberhitametið fallið?
Telur njósnirnar vega að lýðræðinu á Íslandi
/frimg/1/52/77/1527746.jpg)
Nota ekki jólaljós til að níðast á fólki
Lýsa yfir stuðningi við kennara
Eldur kom upp í Sorpu
