Brúðkaupsferðir fræga fólksins
Setja bókamerki
Brúðkaupsferðir fræga fólksins geta gefið manni góðar hugmyndir fyrir næstu ferðalög. Oftast verða rómantískar strendur á fjarlægum slóðum fyrir valinu. Þá er Ítalía einnig ofarlega á listum fræga fólksins.
1. George og Amal Clooney - Seychelles
Clooney-hjónin völdu Seychelles-eyjar fyrir brúðkaupsferð sína. Þar bregða þau út af vananum en Ítalía er alltaf í miklu uppáhaldi hjá þeim og eiga þau hús við Como-vatnið. Brúðkaupið var hins vegar haldið á Ítalíu og því kannski ekki að undra að þau hafi valið einhvern allt annan stað fyrir brúðkaupsferðina.
2. Pippa Middleton og James Matthews - Ástralía og Franska-Pólýnesía
Pippa Middleton og James Matthews fóru á mjög svo fjarlægar slóðir eða alla leið til Frönsku-Pólýnesíu þar sem þau dvöldu á lúxussetri Marlon Brando. Eftir það flugu þau til Ástralíu og dvöldu um tíma í glæsitjöldunum Longitude 131 þar sem er ótrúlegt útsýni yfir Uluru.
3. Heidi Klum og Tom Kaulitz - Capri, Ítalíu
Ofurfyrirsætan Heidi Klum giftist Tom Kaulitz á eyjunni Capri. Svo sigldu þau um strendur Ítalíu í lúxussnekkju.
4. Tom Daley og Dustin Lance Black - Havaí
Dýfingameistarinn Tom Daley og eiginmaður hans Dustin Lance Black skelltu sér til Havaí og nutu lífsins. Þar fóru þeir í fjallgöngur og sóluðu sig á ströndinni í góðu yfirlæti.
5. Geri Halliwell og Christian Horner - Cannes
Kryddpían Geri Halliwell og eiginmaður hennar fóru til Cannes í brúðkaupsferð. Þar áttu þau rólega daga við sundlaugina og fóru í skoðunarferðir um gamla bæinn.
6. Ashton Kutcher og Mila Kunis - Kalifornía
Leikarahjónin Ashton Kutcher og Mila Kunis hafa almennt lifað hæglátu lífi. Þau gefa börnunum sínum ekki jólagjafir og völdu að ferðast innanlands í brúðkaupsferðinni sinni sem er kannski ekki svo slæmt þegar maður býr í Kaliforníu. Þau keyrðu um vínhéruð Kaliforníu þar á meðal Napa Valley og áttu góða daga – reyndar var nýfædd dóttirin með í för.
7. Kim Kardashian og Kanye West - Írland
Kardashian-West-hjónin gerðu nokkuð óvenjulegt og fóru til Írlands í brúðkaupsferð. Þau dvöldu í kastala í Limerick-héraði og voru einnig á fimm stjörnu hóteli í Laois þar sem rómantíski pakkinn kostar litlar 200 þúsund krónur nóttin.
Kourani áfrýjar dómnum
Þriðja tilboðið hugsanlega á leiðinni
Langþráð hótel gæti risið á næsta ári
Mikið magn af rauðvínspóstum eftir helgar
/frimg/1/49/71/1497154.jpg)
/frimg/1/50/24/1502415.jpg)
Fjárfestingin mun hlaupa á milljörðum króna
Íslenskt tónskáld tilnefnt til Emmy verðlauna
Í sjokki þegar þau sáu konuna í sjónum
