Fóru 100 sinnum upp kirkjutröppurnar á Akureyri í dag
Setja bókamerki
Líkamsræktardrottningin Gurrý Torfa og lífskúnstnerinn og flugfreyjan Ragga Eiríks reyndu í dag að jafna fremur furðulegt met í blíðviðrinu á Akureyri. Það er að skokka eða ganga 100 sinnum upp og niður tröppurnar við Akureyrarkirkju.
Í gær birti Ragga Eiríks, eiginkona Þorgríms Þráinssonar rithöfundar, myndband á Instastory þar sem hún sagðist áætla að þessi áskorun gæti tekið þær 5 klukkustundir í framkvæmd. Þær fóru af stað klukkan 10 í morgun í æðislegu veðri á Akureyri.
Á Instastory tók Ragga Eiríks mynd af sér eftir 30 ferðir þar sem hún var að kjamsa á kókosbollu. Hún fékk sér svo aðra eftir 51 ferð en á þeim tímapunkti voru þær orðnar mjög þreyttar og töluðu um að vera búnar að týna gleðinni en með rétta hugarfarinu voru þær sannfærðar um að gleðin kæmi fljótlega aftur.
Þær birtast svo aftur á Instastory eftir 75 ferðir og var Ragga Eiríks þá „komin í harðara efni“, eins og hún segir sjálf en þá var hún byrjuð að narta í Anthon Berg-marsipansúkkulaði og sagðist aðeins eiga eina kókosbollu eftir.
Gurrý Torfa kláraði á undan Röggu Eiríks og sagðist Gurrý alls ekki mæla með þessu og ætlaði beint í kalda karið til að kæla kálfann sem var að angra hana í dag. Þegar Gurrý kláraði átti Ragga 10 ferðir eftir og efaðist um að hafa orku í meira en hélt þó áfram og fór að notast við óhefðbundnar leiðir þegar þrjár ferðir voru eftir.
Ragga Eiríks kláraði síðustu ferðina rétt fyrir klukkan 16 og ferðavefur mbl.is óskar þeim til hamingju með þetta furðulega framtak og það verður gaman að fylgjast með þeim á næstunni.
Húsnæðisstuðningur framlengdur til áramóta
Kemur ekki til greina að semja við ESB
Mennirnir í haldi lögreglunnar á Suðurnesjum
Segir forseta þingsins segja ósatt frá fundinum
/frimg/1/49/16/1491611.jpg)
/frimg/1/49/16/1491641.jpg)
Telur að Rússar herði sókn sína í norðaustri
Kærir teiknara Vísis til siðanefndar
Fannari líst ágætlega á aðgerðirnar
14 til 17 milljarða kr. tap vegna skerðinga
