Stjörnuhjónin George og Amal Clooney kunna að gera vel við sig í fríinu. Þau fóru út að borða án barnanna á lúxusveitingastað á dögunum, en hjónin dvelja nú í sumarleyfishúsi sínu við Como-vatn á Ítalíu. 

Hjónin fóru með bát frá húsi sínu út að borða á Grand Hotel Tremezzo. Með þeim voru Tala og Baria Alamuddin, systir og móðir Amal Clooney, að því fram kemur á vef Page Six. Til þess að komast frá villunni að veitingastaðnum tóku Clooney-hjónin bát eins og algengt er við vötnin á Ítalíu.  

Á heimasíðu Grand Hotel Tremezzo kemur fram að það séu fimm barir og veitingastaðir sem bjóða upp á aðeins hið besta. Stjörnukokkurinn Osvaldo Presazzi eldar þar undir áhrifum frá matreiðslumeistaranum Gualtiero Marchesi. Presazzi leggur áherslu á árstíðarbundin hráefni frá svæðinu í kringum Como. 

Frétt af mbl.is

Clooney-hjónin flogin til Ítalíu

Amal og George Clooney fóru út að borða á veitingastað á Grand Hotel Tremezzo. Ljósmynd/Grand Hotel Tremezzo

Tengdar fréttir

Stjörnur á ferð og flugi

„Kláraði fyrstu skíðaferðina án þess að brjóta á mér lappirnar“

• Ástfangin á toppi þekkts fjalls í Suður-Afríku
• Eva Laufey eyddi langri helgi í Lissabon
• Sigurlaug og Óli syntu með svínum á Bahamaeyjum
• Simmi Vill og Hafrún ástfangin í háloftunum

» Fleiri tengdar fréttir

• Blogga um frétt