Heimastjórn Kanaríeyja ákvað í gær að eyjarnar Tenerife og Gran Canaria yrðu færðar upp á sóttvarnastig þrjú. Ákvörðunin var tekin í kjölfar þess að metfjöldi smita greindist tvo daga í röð, þriðjudag og miðvikudag, á öllum eyjunum. Var þetta mesti fjöldi smita sem greinst hefur þar frá upphafi faraldursins. Á miðvikudag greindust 1.207 smit á eyjunum öllum. Canarian Weekly greinir frá.

Hertar sóttvarnaaðgerðir taka gildi á miðnætti í kvöld. Þá mega aðeins sex koma saman, hvort sem er í heimahúsi eða á veitingastöðum.

Veitingastaðir mega taka á móti helmingi af leyfilegum hámarksfjölda á útisvæði og aðeins fjórðungi innanhúss. Veitingastaðir og skemmtistaðir þurfa að loka klukkan tvö eftir miðnætti. Þá er tveggja metra regla í gildi og grímuskylda í verslunum og í almenningssamgöngum. 

Sólarstrendur mega aðeins taka á móti helmingi af leyfilegum hámarksfjölda og sundlaugar þriðjungi. 

Alls hafa 78 greinst með Ómíkron-afbrigði veirunnar á öllum eyjunum en flest smitin hafa greinst á Tenerife, alls 65. 

Frétt af mbl.is

Jólahald á Tenerife í uppnámi

Tengdar fréttir

Kórónuveiran Covid-19

Ekkert um alvarleg veikindi

• Skyldasti ættingi SARS „var í þeirra eigin ísskáp“
• Almenningur fékk ekki nægan aðgang að samningum
• Við höfum „runnið til baka niður brekkuna“
• Grípa til aðgerða: Covid-19 breiðist hratt út

» Fleiri tengdar fréttir

Tenerife

Birgitta Líf flúði gulu viðvörunina til Tenerife

• Mari farin í verðskuldað frí til Tenerife
• Mari bauð forsetanum til Tenerife
• Tara Sif fagnaði afmælinu á Tenerife
• Inga Lind páskaleg á golfvellinum á Tenerife

» Fleiri tengdar fréttir

• Blogga um frétt