Dvaldi á rándýru heilsuhæli

Charlene prinsessa er sögð hafa dvalið á heilsuhæli í Sviss þar sem vikan kostar 43 þúsund evrur eða um 6 milljónir íslenskra króna. Prinessan dvaldi þar í fjóra mánuði.

Heimildir herma að prinsessan hafi dvalið á heilsuhælinu Clinic les Alpes sem er nálægt Montreaux í Sviss. Samkvæmt þýskum fjölmiðlum þykir heilsuhælið eitt það besta þegar kemur að andlegri heilsu og fíknisjúkdómum.

Samkvæmt auglýstri verðskrá er boðið upp á meðferð sem sérsniðin er að þörfum hvers einstaklings og kostar vikan 6 milljónir en boðið er upp á sólarhringsþjónustu og sérhannaða íbúð.

Á heilsuhælinu er allt til alls, sundlaugar, spa, bókasafn auk sérfræðinga sem allir eru fremstir í sínu fagi. Prinsessan hefur átt við erfið veikindi að stríða og fannst rétt að fara í hvíldarinnlögn á heilsuhæli vegna mikillar þreytu og vanlíðunar. Mikil leynd hefur þótt ríkja um heilsufar prinsessunnar og konungslegir ráðgjafar hafa gagnrýnt Albert prins fyrir að viðhalda leyndinni.

Frétt af mbl.is

Prinsessan er komin heim til sín

• Blogga um frétt