Í uppnámi yfir lokun Loksins en barinn róar ferðamenn

Ferðalög flestra Íslendinga sem hafa náð 20 ára aldri hefjast þegar þeir taka fyrsta sopann af einum ísköldum á Loksins bar. Nú er þessi hefð að líða undir lok og margir í áfalli. Notendur Twitter tjáðu sig um frétt Morgunblaðsins í morgun en þá var greint frá því að Loksins bar í Leifsstöð væri að loka ásamt Joe and the Juice og Nord.

Loksins bar gerði tilraun til þess að róa æsta viðskiptavini í morgun og setti tilkynningu á Facebook-síðu sína. „Verum alveg róleg. Þetta er ekki að fara að gerast á næstu mánuðum. Við erum með galopið og hlökkum til að fá ykkur í hús,“ stendur á Facebook-síðu Loksins. 

Frétt af mbl.is

Loksins og Joe lokað í Leifsstöð

Einhverjir hafa verið í góðri aðlögun þar sem fæstir hafa farið jafn oft til útlanda og vanalega upp á síðkastið sökum kórónuveirunnar. Rithöfundurinn Hildur Knútsdóttir þóttist að minnsta kosti vera búin að gleyma því hvar Leifsöð væri staðsett. 

Sagnfræðingur Stefán Pálsson velti því fyrir sér hvort að þessar aðgerðir væru til þess að draga úr óhóflegri ferðagleði eftir kórónuveirufaraldurinn. 

Arnar Guðmundsson benti á lokun Loksins ætti eftir að koma niður á efni fólks á Instagram. 

Annar Twitter-notandi trúði því ekki að barinn væri að loka áður en hún hefði aldur til að versla á barnum. 

Það eru greinilega ekki allir sem syrgja Loksins. 

• Blogga um frétt