Flugfélagið Play flýgur nú sína fyrstu ferð til Bandaríkjanna. Ferðinni er heitið til höfuðborgarinnar Washington D.C. en flogið er til alþjóðaflugvallarins í Baltimore/Washington og var forstjóri Play, Birgir Jónsson, glaður í bragði þegar hann bauð gesti velkomna við hliðið í Leifsstöð nú eftir hádegi.

Í boði voru veitingar, kaka og drykkir, og hvatti forstjórinn gesti til að drekka vel af víninu svo hann þyrfti ekki að gera það sjálfur. 

Sveinbjörn Indriðason, framkvæmdastjóri, Isavia ávarpaði líka gestina en blaðamaður mbl.is var á staðnum.