Þjóðhátíðardagur Íslendinga verður haldin hátíðlegur í Tívolíinu í Kaupmannahöfn. Sú hugmynd kom upp að prjóna veifur úr íslenskri ull til að skreyta svæðið fyrir stóra daginn. Halla Benediktsdóttir umsjónamaður Jónshúss í Kaupmannahöfn stendur fyrir verkefninu.

„Þetta fannst mér frábært tækifæri, bæði fannst mér það upphefð fyrir handprjón að vera með í fagnaðinum, en auk þess er ég að vinna í húsi Jóns Sigurðssonar og þjóðhátíðardagurinn er jú fæðingardagur hans,“ segir Halla. 

Frétt af mbl.is

17. júní fagnað í Tívolí í Köben

Hugmyndin að prjónaveifunum kemur upphaflega frá hönnuðinum Védísi Jónsdóttur. Hún skreytti jólatré í Heiðmörk í fyrra með veifum úr ónothæfum lopapeysum. Halla, Fríða Hjaltested, Guðný Traustadóttir, Katrín Tinna Gauksdóttir og Sigurbjörg Elín Hólmarsdóttir eru forsprakkar þessa verkefnis fyrir Tívolíið. Veifurnar fyrir þjóðhátíðardaginn verða prjónaðar úr íslenskum lopa en einnig verða nokkrar unnar úr gömlum ónothæfum lopapeysum

Prjónakvöld í Jónshúsi. Prjónakvöld alla þriðjudaga í maí. Ljósmynd/Aðsend

Halla Benediktsdóttir hefur skrifað uppskrift að veifu fyrir þá sem vilja hjálpa til, mikilvægt er að taka mið af íslenska fánanum þegar hugað er til litavals.

„Við finnum fyrir miklum áhuga og vitum af fólki sem er að prjóna í Færeyjum, Svíþjóð, Íslandi og hér í Danmörku. Við vitum um nokkrar sem prjóna eina veifu á dag og ætla prjóna í það minnsta eina veifu á dag út maí. Svo ætlar Helga Hansen að prjóna í það minnsta 100 veifur, en í síðustu viku var hún búin að prjóna 80 stykki. Markmiðið okkar er að prjóna 1000 veifur í heildina.“

Halla segist vona að sem flestir geti tekið þátt og að markmiðið sé að prjóna heilan kílómetra af veifum. Hugmyndin er að veifurnar verði svo nýttar aftur á næsta ári. 

Íslenskar prjónaðar veifur Ljósmynd/Aðsend

Hægt er að skila inn veifum í Litlu prjónabúðinni í Skeifunni, Handprjónasambandinu á Skólavörðustígnum og í Prjónabúð Eddu á Strandgötu í Hafnafirðinum, hægt er að skila inn veifum til 31. maí. Tekið er á móti veifum í Danmörku í Jónshúsi og prjónabúðinni Garnkiosken á Amager í Kaupmannahöfn.

Facebook hópur verkefnisins þar sem finn má uppskrift af veifunum. https://www.facebook.com/prjonumveifur

Katrín Tinna Gauksdóttir, Guðný Traustadóttir, Isabella Ammentorp og Halla Benediktsdóttir í Tívolíinu. Ljósmynd/Aðsend

Tengdar fréttir

Danmörk

„Maður fékk bara hroll við að horfa yfir“

• Hollywood-stjörnur njóta lífsins í Danmörku
• 147 fm af ekta skandinavískum stíl í Kaupmannahöfn
• Helga Þóra fagnaði afmælinu í Köben með Brynjari
• „Ekki fara hvert sem er í smørrebrauð“

» Fleiri tengdar fréttir

Handavinna

Uppskrift af lopapeysu úr smiðju Heli Nikula

• Salka Sól kenndi byrjendum að prjóna
• Prjónaðu galla á krílið
• Kona skráir sig á þjóðbúninganámskeið
• „Mamma hvenær ætlar þú að fara á concerta?“

» Fleiri tengdar fréttir

• Blogga um frétt