Framtíðin er hótel í geimnum

Viðskiptamaðurinn Richard Branson stofnaði Virgin-flugfélagið fyrir 38 árum síðan. Branson flýgur enn hátt og segir ferðir út í geim það sem koma skal í ferðamennsku. Þegar kemur að hefðbundnari ferðalögum eru ferðalög á framandi slóðir honum hugleikin. 

Branson fór út geim í fyrra en hann stofnaði fyrirtækið Virgin Galactic sem býður upp á ferðir út í geim. Hann segir í viðtali við ferðatímaritið Condé Nast Traveller að það sé langur biðlisti í slíkar ferðir. Með því að lækka mengunina og fjölga geimskipum segir hann hægt að bjóða upp á enn fleiri ferðir.

Hann sér fyrir að mars og tunglið verði áfangastaðir og stór fyrirtæki á borð við Boeing taki þátt í að koma fólki út í geim. „Ég held að einn daginn verði hótel við tunglið,“ segir Branson. Hann sér fyrir sér að fólk ferðist í kringum tunglið á daginn og gisti á hótelinu á kvöldin. Hann er jafnvel með hugmyndir um fljótandi Virgin-hótel á tunglinu. 

Ævintýramaðurinn á fimm barnabörn og hann vonast til þess að þau ferðist um heiminn eins og hann hefur gert. Hann mælir sérstaklega með Afríku, Indlandi og Suður-Ameríku. Hann segir nauðsynlegt að vernda dýrategundir á borð við tígrisdýr. Hann vonast til þess að ferðalög opni augu barnabarna sinna og þau leggi málefninu lið. 

Richard Branson er víðförull ævintýramaður. AFP

• Blogga um frétt