Love Island-stjörnur í skýjunum með Íslandsferðina
Setja bókamerki
Love Island-stjörnurnar Dami Hope og Indiyah Polack voru svo sannarlega ánægðar með ferð sína til Íslands á dögunum. Parið naut alls þess besta sem Ísland hefur upp á að bjóða og flaug heim með fullar töskur af íslenskum útivistarfatnaði.
Hope og Polack voru í áttundu þáttaröð af Love Island og kynntust í þáttunum. Þau eru bæði áhrifavaldar en hún starfar meðal annars fyrir markaðstorg Pretty Little Thing.
Sýndu þau bæði mikið frá ferðinni á Instagram og merktu hvert fyrirtækið á fætur öðru í færslur sínar. Fóru þau í íshellaferð, Bláa lónið, Sky Lagoon og svo auðvitað á djammið, en þau brugðu undir sig betri fætinum á næturklúbbnum Auto.
Parið flaug með Play til og frá Íslandi, og fóru fögrum orðum um flugfélagið á samfélagsmiðlum sínum. Þá voru þau með bílaleigubíl frá Hertz og virtust ánægð með hann líka. Áður en þau héldu aftur heim til Bretlands komu þau svo við í 66°Norður og fóru ekki tómhent heim.
Virknin dregist saman um 600 metra
Hraunið við bílastæði Bláa lónsins
„Erum í miðri hrinu“: Styttist í Eldvörp
Hluti bílastæðis undir hraun: Ómögulegt að meta tjón
„Má segja að þetta gos hafi þjófstartað“
Börn hafi engan rétt á leikskólakennslu
