Kona nokkur í Bretlandi hefur klofið netið eftir að hún sagði frá því hvernig hún hefnir sín á farþegum sem halla aftur sætinu fyrir framan hana í flugvél. Einhverjum þykir bragðið ansi sniðugt en aðrir eru ekki hrifnir. Daily Mail segir frá.

Í viðtali við Nova Radio sagðist konan alltaf kveikja á loftræstingunni fyrir ofan sig og beina henni á hæstu stillingu beint í andlitið á þeim sem hallaði sér aftur. Stjórnendur þáttarins klöppuðu fyrir ungu konunni og sögðu ráðið ansi gott.

Hlustendur útvarpsþáttarins skiptust hins vegar í tvær fylkingar. „Er það ókurteisi að halla sætinu sem ég borgaði fyrir að sitja í? Mér þykir það fréttnæmt,“ sagði ein kona. Karlmaður benti á að ef fólk vildi hafa það notalegt gæti það borgað hærra verð fyrir það og keypt sér miða á fyrsta farrými. 

„Ég halla aldrei sætinu mínu, enda er ég ekki sjálfselsk,“ sagði ein.

Svo var einn sem gaf annað ráð: „Haldið bara fast í sætið og þá heldur hinn farþeginn að það sé bilað og reynir ekki að halla því aftur.“

Tengdar fréttir

Furðulegt á ferðalögum

Ótrúlegir hlutir sem skildir eru eftir á hótelherbergjum

• Aðdáendur Drescher munu flykkjast til Ástralíu
• Hefur heimsótt öll lönd í heimi og segir Ísland í miklu uppáhaldi
• Ítölsk draugaeyja sem fær hárin til að rísa
• Öskrandi kona í berginu við Hjörleifshöfða

» Fleiri tengdar fréttir

• Blogga um frétt