48 tímar í Barselóna
Setja bókamerki
Það er ekki erfitt að heillast af Barselóna á Spáni. Borgin býður upp á hina fullkomnu blöndu af sólarlanda- og borgarferð svo allir ættu að geta fundið eitthvað við sitt hæfi.
Einstök hönnun og arkitektúr, lifandi menning, skemmtileg matarsena og rík saga heillar fjölda ferðamanna á ári hverju.
Að skoða
Güell-garðurinn
Fallegur gróður og stórbrotinn arkitektúr einkenna Güell-garðinn sem staðsettur er á Carmel Hill í Barselóna.
Garðurinn, sem var samstarfsverkefni frumkvöðulsins Eusebi Güell og arkitektsins Antoni Gaudí, var byggður á árunum 1900 til 1914. Hann var formlega opnaður sem almenningsgarður árið 1926.
Sagrada Família-kirkjan
Það er eiginlega ekki hægt að fara til Barselóna án þess að heimsækja Sagrada Família-kirkjuna, einnig þekkt sem stærsta ófullgerða kirkja heims.
Kirkjan er meistaraverk arkitektsins Gaudí, en hönnun og stærð kirkjunnar hefur gert hana að einu helsta aðdráttarafli ferðamanna sem fara til Barselóna.
Að gera
La Rambla
La Rambla er frægasta gata Barselóna. Hún er 1,2 kílómetrar að lengd og býður ferðalöngum upp á sjarmerandi blómabúðir, sælgætisbása og töfrandi bakkelsi.
Barceloneta-ströndin
Ströndin hefur allt sem þú þarft – góða sólbaðsaðstöðu, hlýjan sjó og skemmtilega veitingastaði allt í kring.
Matur og drykkur
Matarmarkaður
La Boqueria er líklega með elstu mörkuðum Barselóna, en hann var opnaður árið 1217. Í dag er markaðurinn þó með örlítið öðruvísi sniði en til að byrja með. Þar eru yfir 200 básar með alls kyns mat- og drykkjarvöru og óhætt að segja að markaðurinn sé algjör paradís fyrir matgæðinga.
La Papa
Þetta er staður sem gleður augað ekki síður en bragðlaukana. Þar er boðið upp á hollan, bragðgóðan og fallegan mat, bakkelsi og að sjálfsögðu kaffi.
Funda með þingflokkum
Lát hjóna í Neskaupstað: Ákæra gefin út
Forstjóri bendir á ábyrgð birgja vegna verðhækkana
„Tímabil aukinnar eldvirkni“
„Börn heima sem maður myndi vilja hafa í skjóli“
Stóðu skógarþjófa að verki
Bein útsending: Ríkisstjórnarsamstarfið kynnt
/frimg/1/48/85/1488539.jpg)
