5 fegurstu strendurnar í Portúgal
Setja bókamerki
Það virðist allt stefna í að Portúgal verði afar vinsæll áfangastaður meðal Íslendinga í sumar, en þar er bæði hægt að upplifa einstaka borgarstemningu og töfrandi sólarlandafíling. Portúgal er stútfullt af glæsilegum ströndum, en landið er þekkt fyrir einstaklega fallegt og víðáttumikið landslag sem hefur heillað ófáa ferðalanga upp úr skónum.
Nýverið tók ferðavefur Travel + Leisure saman bestu strendur landsins og deildu með ferðaþyrstum lesendum.
Praia do Camilo
Ströndin er staðsett í suðurhluta Portúgal, ekki svo langt frá borginni Lagos. Það er mikil upplifun að fara á ströndina, en ferðalangar þurfa að ganga niður nokkur hundruð tröppur til að komast á ströndina. Útsýnið á leiðinni gerir gönguna þó vel þess virði.
Zambujeira do Mar
Á milli Lissabon og Lagos finnur þú þessa fallegu strönd. Við ströndina finnur þú krúttlegar verslanir, dýrindis kaffihús og ótrúlega kletta.
Praia da Ursa
Ströndin þykir ein sú fegursta í Portúgal, en hún er jafnframt vestasta strönd meginlands Evrópu. Það getur verið krefjandi að komast að ströndinni þar sem þarf að fara niður bratta kletta, en þegar þangað er komið tekur óspillt náttúrufegurðin við.
Praia Ribeira do Cavalo
Að mati margra er þessi strönd eitt best geymda leyndarmál Portúgals. Hún er staðsett í miðjum Arrábida-náttúrugarðinum í innan við klukkutíma akstursfjarlægð frá Lissabon. Það getur þó einnig verið erfitt að komast að þessari strönd líkt og Praia da Ursa, en ferðamenn komast ekki þangað með bíl heldur þurfa þeir að ganga eða fara með bát til að komast þangað.
Praia do Norte
Þessi strönd er vinsæl meðal brimbrettafólks, en hún er staðsett norðan Nazaré. Þó ströndin sé yndislegur staður til að liggja í sólbaði þarf að fara varlega í sjónum þar sem öldurnar er kröftugar og geta orðið ansi háar.
/frimg/1/53/8/1530849.jpg)
Fatlaður drengur fær ekki þjónustu í verkfalli
Hraunið við bílastæði Bláa lónsins
Drónamyndskeið frá hápunkti gossins í nótt
Litlar líkur á að hraunið nái til mannvirkja
Líklega komin á seinni hluta hrinunnar í Svartsengi
„Má segja að þetta gos hafi þjófstartað“
Fullvissa ferðamenn um að hér sé öruggt
Hótar Bretum og Bandaríkjamönnum
