Íslenska vegabréfið tryggir aðgang að 182 löndum
Setja bókamerki
Íslenska vegabréfið er í 10. sæti á lista yfir þau vegabréf sem tryggja mesta ferðafrelsið og Singapúr trónir á toppi listans en með vegabréf þess lands ertu velkominn í 192 lönd án vegabréfsáritunar.
Þetta kemur fram í nýrri greiningu Henley & Partners sem metur hversu gott aðgengi vegabréf hverrar þjóðar veitir byggt á því hvaða áfangastaði þú getur farið á án vegabréfsáritunar.
Vegabréf Íslands hefur síðustu þrjú ár vermt 12. sæti á listanum en stekkur upp í 10. sæti í ár.
Ísland alltaf ofarlega
Ferðalangar með íslenskt vegabréf geta samkvæmt skýrslunni ferðast til 182 landa án vegabréfsáritunar. Síðan mælingar hófust árið 2006 þá hefur íslenska vegabréfið ávallt mælst ofarlega, eða á milli 9.-13. sæti.
Japan hefur síðustu 5 ár mælst í 1. sæti en eins og fyrr segir þá tók Singapúr fram úr þeim í ár og Japan er nú í 3. sæti. Þýskaland, Ítalía og Spánn deila 2. sætinu, hver með aðgang að 190 ríkjum án vegabréfsáritunar.
Í 3. sæti eru svo sex ríki en þau eru Frakkland, Austurríki, Svíþjóð, Finnland, Lúxemburg og Suður-Kórea, öll með 189 áfangastaði án vegabréfsáritana.
Afganistan á botninum
Afganska vegabréfið vermir síðasta sætið en handhafar þess eru aðeins velkomnir í 27 lönd án áritunar og Írak fylgir þeim fast á hæla en vegabréfið þeirra kemur þér í 29 lönd án áritunar.
Leggur til samræmd próf í skólum Reykjavíkur
Tveir kvikustrókar stærstir
/frimg/1/51/14/1511440.jpg)
Einn brotaþola af erlendu bergi brotinn
Gagnrýnir ferðir í íshella á sumrin
/frimg/1/51/15/1511527.jpg)
Gosmóða yfir suðvesturhorninu – Kröftugir strókar
Hundrað manns í leitinni: „Þetta er erfiðisvinna“
Stúlkan enn í lífshættu
