The ROOF á Reykjavík Edition valinn þriðji besti þakbarinn í heimi
Útsýnið yfir fjöllin og hafið í kringum Reykjavík þykir eitt það besta í heimi.
Samsett mynd
Setja bókamerki
Barinn The ROOF á Reykjavík Edition-hótelinu hefur verið valinn þriðji besti þakbarinn í heimi af bresku vefsíðunni EnjoyTravel. Notaði hún til þess gæðakerfi sem samanstendur af uppsöfnuðum stigum úr einkunnum á samfélagsmiðlum og framlagi frá ritstjórn þess hluta vefsíðunnar sem ber heitið Big 7 Travel.
Í lýsingunni á barnum er sagt að The ROOF sé einn af eftirsóttustu þakbörunum í heimi og er talinn vera besti staðurinn í Reykjavík til að njóta langra sumarnótta sem og norðurljósanna. Býður barinn upp á 360 gráðu útsýni yfir hafið, fjöllin og borgina sjálfa. Matseðilinn er sagður vandlega útbúinn og vakin er athygli á því að hann styðji sjálfbæran búskap. Mælt er sérstaklega með drykknum Sake Spritz.
Það sést til allra átta af The ROOF.
Ljósmynd/Facebook
Topp tíu þakbarir í heimi
- Frank's Café - Lundúnum, Englandi
- Azotea del Circulo - Madríd, Spáni
- The ROOF á Reykjavík Edition - Reykjavík
- Schweizerhof Flims - Flims, Sviss
- Oroya - Madríd, Spáni
- 16ROOF - Istanbúl, Tyrklandi
- Sky Bar by Seen - Lissabon, Portúgal
- Patchwork at Sa Punta - Ibiza, Spáni
- Skyline Bar 20up - Hamborg, Þýskalandi
- Mama Shelter - Bordeaux, Frakklandi
Útsýnið er ekki síðra á kvöldin.
Ljósmynd/Reykjavík Edition
Edition-hótelið opnaði árið 2021.
mbl.is/Eggert Jóhannesson
Samfylking og Viðreisn gáfu loforð
Var engin kristnitaka árið 1000?
Beint: Ný ríkisstjórn tekin við völdum
Fyrsti blaðamannafundurinn í heild sinni
Bjarni: „Útilokað að þetta geti gengið upp“
Ný ríkisstjórn kynnt á morgun
Barn lést í árásinni
