Áhrifavaldurinn Jóhanna Helga Jensdóttir og sambýlismaður hennar, Geir Ulrich Skaftason, hafa notið lífsins í Lundúnum undanfarna daga. Ferðin hefur þó ekki bara einkennst af glamúr og glimmeri, en Jóhanna birti á dögunum TikTok-myndskeið af sér grátandi sem hefur vakið mikla athygli. 

Jóhanna og Geir fóru á tónleika með tónlistarmanninum Abel Makkonen Tesfaye sem er betur þekktur undir sviðsnafninu The Weeknd. Eftir tónleikana birti Jóhanna myndskeið af sér þar sem hún situr í stúkunni og grætur.

Myndskeiðið hefur vakið upp spurningar meðal fylgjenda Jóhönnu sem birti annað myndskeið stuttu síðar þar sem hún útskýrði hvað hafi gerst og hvers vegna hún hafi verið grátandi. 

„Allt sem ég, við, allir þekkjum verður öðruvísi“

„Það er ekkert búið. En The Weeknd er að skipta yfir í að hætta að vera The Weeknd og vera bara Abel. Þannig að basically verður ekkert gefið út lengur sem The Weeknd heldur bara sem Abel, sem er nafnið hans. Þannig að allt sem ég, við allir þekkjum verður öðruvísi sem er „an end of an era“ sem er basically punkturinn með vídeóinu mínu,“ sagði Jóhanna og bætti við að þetta hefðu verið seinustu tónleikar hans í Evrópu undir sviðsnafninu The Weeknd.

Jóhanna segist þó vera spennt fyrir því að sjá hvers konar tónlist komi frá Abel og hvort hún verði í svipuðum dúr og tónlistin sem hann hefur gefið út undanfarin ár.

Tengdar fréttir

Lundúnir

Ef þig langar að eyða peningum í rugl og sofa illa þá er þetta hótelið fyrir þig!

• 102 ára fallhlífastökkvari deilir leyndarmálinu að langlífi
• Lifðu eins og kóngur í Notting Hill
• Evrópumatarferð Beckhams
• Strendurnar sem þú verður að heimsækja í Bretlandi

» Fleiri tengdar fréttir

Íslendingar í útlöndum

Sigurlaug og Óli syntu með svínum á Bahamaeyjum

• Fögnuðu ástinni í bandarísku sveitabrúðkaupi
• Helga Þóra fagnaði afmælinu í Köben með Brynjari
• „Ekki fara hvert sem er í smørrebrauð“
• Bára sleikir sólina á Alicante

» Fleiri tengdar fréttir

• Blogga um frétt