Harry heimsækir Bretland án Meghan
Setja bókamerki
Harry prins mun leggja land undir fót og heimsækja Bretland í byrjun september. Hann mun vera viðstaddur verðlaunaafhendingu á vegum WellChild-góðgerðasamtakanna sem styðja við alvarlega veik börn. Verðlaunaafhendingin fer fram þann 7. september en daginn eftir er ár liðið síðan Elísabet II Bretlandsdrottning lést.
Harry prins verður því í Bretlandi á dánardegi drottningar en ólíklegt þykir að hann verði með konungsfjölskyldunni til þess að minnast hennar. Enn hefur ekki gróið um heilt í þeirra samskiptum. Þá er vitað að Vilhjálmur prins og Katrín prinsessa verði í Wales á þeim degi og verða viðstödd messu í St David's Cathedral.
Meghan ekki með til Bretlands
Eftir það mun Harry prins ferðast til Þýskalands þar sem Invictus-leikarnir fara fram. Meghan mun ekki fara með Harry prins til Bretlands heldur hitta hann í Þýskalandi og koma fram með honum á leikunum. Hún er sögð vera að forðast Bretland enda ekki í miklum metum þar meðal almennings.
Ekki er vitað hvar Harry mun dvelja á Bretlandi. Stutt er síðan hann þurfti að skila lyklunum að heimili sínu Frogmore Cottage. Hann þarf að biðja sérstaklega um dvalarstað á vegum krúnunnar. Þá nýtur hann ekki sérstakrar verndar bresku lögreglunnar á meðan hann dvelur í Bretlandi.
Tveir skjálftar í Bárðarbungu
Svandís: Skuli stefnt að kosningum í vor
„Ég bjóst ekki við þessum mikla halla“
„Svarið er held ég flestum augljóst“
Höfum tekið á móti of mörgum flóttamönnum
Svandís nýr formaður og Guðmundur varaformaður
„Við erum bara ekki nógu mörg“
