Áhrifavaldurinn og markaðsstjórinn Birgitta Líf Björnsdóttir eyðir miklum tíma erlendis og hefur verið dugleg að ferðast með kærasta sínum, Enok Vatnari Jónssyni. Parið á von á sínu fyrsta barni á komandi vikum og hefur verið að njóta ljúfra samverustunda í svokölluðu „babymoon.“
Birgitta Líf og Enok skelltu sér í draumaferð til Lundúna þar sem þau sáu rapparann 50 Cent á tónleikum á O2 leikvanginum, en það voru fyrstu tónleikar bumbubúans. Stuttu síðar var parið mætt í sólina á Spáni þar sem Birgitta Líf leyfði óléttukúlunni að skína skært.
Nú er verðandi móðirin mætt til New York til að upplifa töfra jólanna þar í borg, en borgin er sannkölluð jólaparadís á þessum árstíma. Birgitta Líf birti myndir af sér í miðborg New York, nálægt einu þekktasta kennileiti borgarinnar, Radio City Music Hall og vitnar í eitt þekktasta jóla fyrr og síðar: „It’s the Most Wonderful Time of the Year.“
Birgitta Líf heldur úti einum vinsælasta Instagram-reikningi landsins og leyfir fólki að fylgjast með ævintýrum sínum, hérlendis og erlendis.