Ferðaljósmyndarinn Gunnar Freyr Gunnarsson tók myndir í gærkvöldi þegar gos hófst á Reykjanesi. Þetta var í fyrsta skipti sem Gunnar sá eldgos frá heimili sínu en gosið sem hófst í gærkvöldi er það fjórða á þremur árum. 

Gunnar fór ekki nálægt eldgosinu sjálfu þar sem það var bannað en myndaði þekkta staði á höfuðborgarsvæðinu í bjarmanum frá gosinu. Gunnar er með marga erlenda fylgjendur á Instragram-síðu sinni Icelandic Explorer. Hann fær mikið hrós fyrir myndirnar auk þess sem fólk segir honum að fara varlega. 

Gunnar myndaði þetta fallega jólatré eftir að það fór að gjósa. Ljósmynd/Gunnar Freyr Gunnarsson

Kópavogskirkja hefur sjaldan verið tignarlegri en á mynd Gunnars með eldgosið í bakgrunn. Jólatré sem á vegi Gunnars varð í gærkvöldi var sérstaklega fallegt þegar ekki bara jólaljósin lýstu upp tréð heldur einnig rauður himininn. 

Kópavogskirkja. Ljósmynd/Gunnar Freyr Gunnarsson

Myndin af vitanum hefur vakið lukku á Instagram-síðu Gunnars. Ljósmynd/Gunnar Freyr Gunnarsson

Hér fyrir neðan má sjá færslu Gunnars og fleiri myndir. 

Tengdar fréttir

Eldvirkni á Reykjanesskaga

Kostnaður áætlaður 8,6 milljarðar

• Auknar líkur á eldgosi innan Grindavíkur
• Þorbjörn snýr heim: Öll flutt úr Grindavík
• Styrkja búseturétthafa í Grindavík
• Landris helst áfram stöðugt

» Fleiri tengdar fréttir

• Blogga um frétt