Reykjavík í fyrsta sæti yfir rólegustu áfangastaðina
Setja bókamerki
Það er nauðsynlegt að hafa eitthvað til að hlakka til, sérstaklega í skammdeginu í janúar. Eftir að hafa keyrt streituhormónin upp yfir hátíðirnar dreymir marga um að komast í frí þar sem ró og slökun eru í forgrunni.
Það er tilvalið að nýta fyrstu vikur ársins í að plana næsta ferðalag, en ferðavefur Condé Nast Traveller birti á dögunum lista yfir rólegustu áfangastaðina 2024 í von um að veita lesendum sem eru í leit að hugarró ferðainnblástur.
Við gerð listans var notast við þætti eins og loft-, ljós- og hávaðamengun, umferðaröngþveiti, meðalsólskinstíma og vingjarnleika íbúa til að ákvarða bestu áfangastaðina.
10 rólegustu áfangastaðirnir 2024
1. Reykjavík, Ísland
„Ísland hefur lengi verið í uppáhaldi fyrir þá sem eru í leit að afdrepi í náttúrunni, svo það er engin furða að höfuðborgin sé í efsta sæti hér. Í Reykjavík eru frábær loftgæði, nóg af grænum svæðum, lítil umferð og lágt mengunarstig, og mjög hamingjusamir íbúar – allt það sem þú leitar að í afslappandi og endurnærandi borgarferð,“ er skrifað um borgina í greininni.
2. Tallinn, Eistland
3. Bergen, Noregur
4. Vín, Austurríki
5. Stokkhólmur, Svíþjóð
6. Vilníus, Litháen
7. Ljubljana, Slóvenía
8. München, Þýskaland
9. Zürich, Sviss
10. Dubrovnik, Króatía
Clinton fluttur á sjúkrahús
Í þögn hjartans
Segir umsókn að ESB vera óvirka
Strandveiðar „efnahagsleg sóun“
Leiðindaveður yfir jólahátíðina
/frimg/1/53/73/1537399.jpg)
/frimg/1/53/76/1537675.jpg)
