Ítalskur maður á níræðisaldri er loksins að eignast varanlegt heimili í kjölfar níu mánaða dvalar á flugvelli í Bologna á norðurhluta Ítalíu.

Maðurinn, sem starfsmenn flugvallarins þekkja einungis undir nafninu Arnaldo, neyddist til að grípa til þess örþrifaráðs, að búa á flugvelli, eftir að hann missti heimili sitt vegna mikillar hækkunar á leigugjöldum.

Heillaði starfsfólkið upp úr skónum

Arnaldo, sem er 83 ára gamall, gerði sig heimkominn á flugvellinum og varð fljótt mikill vinur allra sem þar starfa, en starfsfólkið lagði sig fram við að auðvelda honum lífið með því að færa honum máltíðar, heitt kaffi og dagblöð á hverjum degi.

Nú eftir níu mánaða dvöl á flugvellinum hafa borgarfulltrúar í Bologna tekið höndum saman og leita að varanlegu heimili handa honum, en Arnaldo gistir um þessar mundir á hóteli. 

Saga Arnaldo minnir um margt á kvikmyndina The Terminal frá árinu 2004. Í myndinni leikur Tom Hanks flóttamann frá austur-evrópsku smáríki sem verður innlyksa í flugstöð í New York þegar heimaland hans leysist upp og hættir að vera til. Við það verður vegabréf hans ógilt og hann neyðist því til að dúsa í fríhöfninni þar til lausn fæst á vanda hans.

Tengdar fréttir

Ítalía

Gæti verið gáfulegt að sleppa ferðalagi til Rómar 2025

• Ítölsk draugaeyja sem fær hárin til að rísa
• Þjóðþekktir Íslendingar flykktust til Ítalíu
• Sigga Dögg og Sævar ástfangin á Ítalíu
• „Ég er mikið í að búa til upplifanir“

» Fleiri tengdar fréttir

Furðulegt á ferðalögum

Ótrúlegir hlutir sem skildir eru eftir á hótelherbergjum

• Aðdáendur Drescher munu flykkjast til Ástralíu
• Hefur heimsótt öll lönd í heimi og segir Ísland í miklu uppáhaldi
• Ítölsk draugaeyja sem fær hárin til að rísa
• Öskrandi kona í berginu við Hjörleifshöfða

» Fleiri tengdar fréttir

• Blogga um frétt