Fimm magnaðar sundlaugar sem þú verður að sjá
Setja bókamerki
Íslendingar hafa sérstakt dálæti á sundlaugum enda ríkir mikil sundlaugamenning hér á landi. Sundlaugar eru samkomustaður þar sem öll fjölskyldan getur komið saman og notið sín.
Ferðavefur mbl.is tók saman fimm guðdómlegar sundlaugar sem gleðja augað, en þær eiga það allar sameiginlegt að þykja með fegurstu sundlaugum heims samkvæmt ferðatímariti Condé Nast Traveller.
Manon Les Suites
Á Manon Les Suites-hótelinu í Kaupmannahöfn leynist sannkölluð sundlaugaperla – inni í miðju hótelinu er glæsileg innisundlaug umvafin suðrænum gróðri sem skapar einstaka stemningu.
Grand Hotel Tremezzo
Það er erfitt að toppa sundlaugina við Grand Hotel Tremezzo við Como-vatn á Ítalíu, en sundlaugin flýtur á sjálfu vatninu og veitir guðdómlegt útsýni sem líkist helst málverki.
Miramonti Boutique Hotel
Þetta lúxus skíðahótel er staðsett í um fjögurra kílómetra fjarlægð frá Meran 2000-skíðasvæðinu á Ítalíu. Þar finnur þú óendanleikasundlaug með einstöku útsýni til fjalla.
Hotel du Cap-Eden-Roc
Í Antibes í Frakklandi finnur þú einstaka saltvatnslaug í miðjum kletti úr basaltbergi sem býður gestum upp á guðdómlegt útsýni við frönsku riveríuna.
The Dolli
Þetta einstaka hótel er staðsett í Aþenu á Grikklandi. Þar finnur þú þakverönd með glæsilegri sundlaug sem borgin speglast í.
Lát hjóna í Neskaupstað: Ákæra gefin út
Beint: Ný ríkisstjórn tekin við völdum
Ók á hóp fólks á jólamarkaði: Einn látinn
Fyrsti blaðamannafundurinn í heild sinni
/frimg/1/53/76/1537675.jpg)
Samfylking og Viðreisn gáfu loforð
Ný ríkisstjórn kynnt á morgun
