Skoskur ferðamaður slasaðist þegar hann reyndi að ná mynd af skógarbirni.

Hin 72 ára gamla Moira Gallacher er þakklát fyrir að vera á lífi eftir árás skógarbjarnar. Óhappið átti sér stað á náttúrusvæði í Rúmeníu.

Gallacher, sem er á ferðalagi ásamt vinkonu sinni, ákvað að heimsækja fjallagarð, Carpathian Mountains, á mánudag, en svæðið er vinsæll áfangastaður fyrir ferðamenn og náttúruunnendur.

Vinkonurnar komu skjótt auga á skógarbjörn og hún og vildu ólmar ná góðri ljósmynd, enda ekki á hverjum degi sem maður rekst á bjarndýr. Skógarbjörninn gekk upp að bíl vinkvennanna og sáu þær því gott tækifæri til að festa augnablikið á mynd.

Gallacher skrúfaði niður bílrúðuna og var það þá sem skógarbjörninn réðst til atlögu og beit hana í handlegginn. Gallacher segist vera heppin að ekki fór verr en meiðsli hennar eru sögð smávægileg. 

Tengdar fréttir

Furðulegt á ferðalögum

Ótrúlegir hlutir sem skildir eru eftir á hótelherbergjum

• Aðdáendur Drescher munu flykkjast til Ástralíu
• Hefur heimsótt öll lönd í heimi og segir Ísland í miklu uppáhaldi
• Ítölsk draugaeyja sem fær hárin til að rísa
• Öskrandi kona í berginu við Hjörleifshöfða

» Fleiri tengdar fréttir

• Blogga um frétt