Mari farin í verðskuldað frí til Tenerife
Setja bókamerki
/frimg/1/30/66/1306683.jpg)
Hlaupadrottningin Mari Järsk er mætt á uppáhaldsáfangastað Íslendinga, Tenerife á Spáni, í verðskuldað frí eftir að hafa sigrað bakgarðshlaup Náttúruhlaupa í síðustu viku og slegið Íslandsmet í leiðinni.
Það vakti mikla athygli þegar Mari birti sjálfsmynd af sér og Guðna Th. Jóhannessyni, forseta Íslands, á Instagram eftir hlaupið þar sem hún sagði frá því að hún væri á leið til Tenerife og hafi boðið forsetanum með.
Nú er hún mætt í sólina á Tenerife og hefur notið sín í botn við sundlaugarbakkann. Hún hefur þó ekki bara verið í slökun heldur fór hún í fjallgöngu og smellti mynd af sér á toppnum með glæsilegt útsýni í bakgrunni.
Hljóp 381 kílómetra á 57 klukkustundum
Mari hljóp 57 hringi, eða 381 kílómetra, á 57 klukkustundum í bakgarðshlaupinu. Þá var hún í hópi þriggja hlaupara sem slógu Íslandsmet í hlaupinu, en ásamt Mari voru það Andri Guðmundsson, sem hljóp 52 hringi, og Elísa Kristinsdóttir, sem hljóp 56 hringi.
Hlaupararnir fengu góðar móttökur þegar þau slógu Íslandsmetið og stóð Guðni Th. Jóhannesson, forseti Íslands, við marklínuna. Það er ekki einungis sjálfsmyndin af Mari og forsetanum sem hefur vakið athygli heldur einnig ljósmynd af fallegu augnabliki þeirra við marklínuna sem ljósmyndari mbl.is náði.
Stormur á Þorláksmessu en víðast hvar stefnir í hvít jól
Spretthópur fjallar um gufubaðsreglur
Kristrún Frostadóttir verður forsætisráðherra
Ók á hóp fólks á jólamarkaði: Einn látinn
/frimg/1/53/76/1537675.jpg)
/frimg/1/48/85/1488539.jpg)
Stóðu skógarþjófa að verki
Forstjóri bendir á ábyrgð birgja vegna verðhækkana
„Börn heima sem maður myndi vilja hafa í skjóli“
Lát hjóna í Neskaupstað: Ákæra gefin út
