Ólafur Jóhann Steinsson, best þekktur sem Óli á Hjóli, hefur slegið rækilega í gegn á samfélagsmiðlinum TikTok upp á síðkastið, en hann hefur sankað að sér rúmlega 90.000 fylgjendum.

Ólafur birtir reglulega myndskeið þar sem hann sést spyrja gangandi vegfarendur spjörunum úr, en hann elskar fátt meira en að kanna vitneskju fólks um Ísland, sérstaklega þegar hann er á ferðalögum erlendis.

Eitt af nýjustu myndskeiðum hans vakti mikla athygli á dögunum en í því sést Ólafur ræða við konu að nafni Samantha, en hún starfar sem landafræðikennari í Bandaríkjunum. Hann spyr Samönthu ýmissa spurninga sem tengjast Íslandi og spyr meðal annars í hvaða heimsálfu landið er.

Án þess að hika svarar hún; „Ísland er eyja, landfræðilegur hluti Norður-Ameríku og í eigu Danmörku.“

Svar Samönthu fékk Ólaf til að ranghvolfa augunum enda ruglar landafræðikennarinn Íslandi saman við Grænland. 

Tengdar fréttir

Frægir ferðast

Mæðgur í stíl á Bahamaeyjum

• Harry og Meghan sögð heilluð af þessum portúgalska smábæ
• Breskur rappari heillaðist af Íslandi
• Rúrik púttaði með pápa á Spáni
• Nýskilin og nakin á Fídjíeyjum

» Fleiri tengdar fréttir

TikTok

Ekkert grín að vera ferðmaður á Íslandi

• Óvænt heimsókn til ömmu vekur athygli
• Sigraði hrekkjuvöku sem Halla Tómasdóttir
• Faðir brúðarinnar gleymdi mikilvægum hlut
• Yndislegt augnablik á Landspítalanum vekur athygli

» Fleiri tengdar fréttir

• Blogga um frétt