Á fimmtu­dag­inn fór Eva Gunn­ars­dótt­ir flug­freyja hjá Play í flug til Baltimore. Flugið var ekki eins og hver ann­ar vinnu­dag­ur þar sem eig­inmaður henn­ar, Friðrik Ottesen flug­stjóri, flaug vél­inni og dæt­ur þeirra tvær, þær Ísól Alda Ottesen og Svala Sóllilja Ottesen, voru flug­freyj­ur í flug­inu.

„Við eig­um þess­ar tvær dá­semd­ar stelp­ur og við erum öll hjá Play. Við mæðgurn­ar byrjuðum all­ar í fyrra,“ seg­ir Eva um fjöl­skyld­una sína.

Það má segja að Eva hafi alltaf verið með ann­an fót­inn í flug­inu í tengsl­um við starf eig­in­manns­ins en það var í fyrra sem hún lét gaml­an draum ræt­ast. „Ég ákvað bara að slá til í fyrra og fara út fyr­ir þæg­ind­aramm­ann. Ég hef verið að gera eitt­hvað allt annað í líf­inu en að vera flug­freyja. Ég er lærður hársnyrt­ir og hef verið að klippa í gegn­um árin og eitt og annað,“ seg­ir Eva.

Hvernig er flug­freyju­starfið?

„Það er dá­sam­legt. Þetta er það skemmti­leg­asta sem ég hef gert í líf­inu.“

Stolt í háloft­un­um á mæðradag­inn

Flugið til Baltimore í vik­unni var ekki fyrsta flug fjöl­skyld­unn­ar sam­an. „Við fór­um í jóla­stopp. Við flug­um öll sam­an um jól­in,“ seg­ir Eva en þá flug fjöl­skyld­an til New York og varði stopp­inu sínu sam­an í stóra epl­inu. 

Eva er orðin yf­ir­flug­freyja þannig að hún stjórn­ar dætr­um sín­um þegar hún flýg­ur með þeim en seg­ir fjöl­skyld­una auðvitað fyrst og fremst fag­lega í sam­skipt­um í vinn­unni. Einn besti dag­ur­inn í vinn­unni var á mæðradag­inn. „Ég get eig­in­lega ekki lýst því, þetta var eig­in­lega besti dag­ur­inn hingað til. Ég var ofboðslega stolt og þakk­lát fyr­ir að verja deg­in­um með stelp­un­um í háloft­un­um. Þær voru svo flott­ar.“

Eva seg­ir þau fá já­kvæð viðbrögð þegar kem­ur í ljós að þau eru öll að vinna á sama vinnustaðnum. „Fólki finnst þetta rosa­lega skemmti­legt. Vinnu­fé­lag­ar okk­ar eru rosa­lega já­kvæðir. Oft seg­ist fólk vera búið að fljúga með báðum dætr­um mín­um og nú fái það loks að fljúga með mér eða það sé búið að fljúga með Friðriki.“

Evu finnst alltaf jafn skemmti­leg í vinn­unni og get­ur ekki gert á milli þeirra staða sem hún stopp­ar á. „All­ir staðirn­ir sem við för­um til hafa sinn sjarma,“ seg­ir Eva að lok­um.

Fjöl­skyld­an var hress áður en flug­vél­in fór af stað til Boltemore á fimmtu­dag­inn. Ljós­mynd/​Aðsend

Tengd­ar frétt­ir

Flug­freyj­an

Sara lif­ir í lúx­us í Barein

• Flug­freyja út­skýr­ir kuld­ann í flug­vél­um
• Lærði flug­mann­inn og gerðist flug­freyja út frá loft­hræðslu
• Flugáhug­inn kviknaði óvænt í flug­freyju­starfi hjá WowAir
• 12 hlut­ir sem þú ætt­ir aldrei að gera í flugi

» Fleiri tengd­ar frétt­ir

Á ferðalagi um Banda­rík­in

Hóp­ur höfr­unga lék list­ir sín­ar

• Spurn­ing hvort kyn X muni geta ferðast til Banda­ríkj­anna
• Icelanda­ir hef­ur flug til Miami
• Leiðsögn um bestu skíðasvæðin á Nýja-Englandi
• Flýta áætl­un­ar­flugi um fimm vik­ur

» Fleiri tengd­ar frétt­ir

• Blogga um frétt