Ferðalög | Ferðalög innanlands | mbl | 18.6.2024 | 20:00

Íslandsheimsókn samfélagsmiðlastjörnu vekur athygli

Tónlistarmaðurinn og samfélagsmiðlastjarnan Richard McLean Giese hefur verið á ferðalagi um Ísland síðustu daga. Samsett mynd

Tónlistarmaðurinn og samfélagsmiðlastjarnan Richard McLean Giese, sem heldur úti TikTok-reikningnum Social Response, er staddur á Íslandi um þessar mundir og hefur vakið athygli fyrir myndbönd sem hann hefur tekið upp hér á landi.

Á samfélagsmiðlum sínum tekur Giese ábreiður af þekktum popplögum og setur þær í nokkurs konar rokkútgáfu með „emo“ yfirbragði, en hann er með 3,9 milljónir fylgjenda á TikTok.

Giese hefur verið duglegur að taka upp lög og myndskeið á vinsælum ferðamannastöðum á Íslandi og hafa mörg þeirra þegar fengið milljónir áhorfa.

Í fyrsta myndskeiðinu sem hann birti við Skógarfoss tók Giese ábreiðu af laginu I was a bad girl með Jojo Siwa. Hann fór einnig á Stokksnes þar sem hann tók lagið Blank Space með Taylor Swift í hávaðaroki.

@matriarchmothra I was a bad girl. #karma #jojosiwa #emo #cosplay #fyp ♬ original sound - Social Repose

@matriarchmothra Blank space. #blankspace #taylorswift #emo #cosplay #fyp ♬ original sound - Social Repose

Heimsótti Jökulsárlón og Reynisfjöru

Giese heimsótti líka Jökulsárlón þar sem hann tók lagið Thank You með Dido, en svo fór hann í Reynisfjöru og tók lagið Thanks for the Memories með Fall Out Boy. Hann tók einnig upp nokkur myndskeið af sér í miðri lúpínubreiðu.

@matriarchmothra Thank you. #dido #thankyou #emo #cosplay #fypage ♬ original sound - Social Repose

@matriarchmothra Thanks for the memories on the black beach. #falloutboy #thanksforthememories #emo #cosplay #fypage ♬ original sound - Social Repose

Þetta virðist þó ekki vera í fyrsta sinn sem Giese heimsækir Ísland og tekur þar upp myndskeið, en eitt af myndböndum hans sem hefur fengið hve mest áhorf er einmitt tekið upp við Skógarfoss í mars 2023 og hefur fengið tæplega 25 milljónir áhorfa.